За прв пат во историјата, Ауди (Audi AG) објавија број на продажби на нови возила на светско ниво за првото тромесечје што го надминува бројот на продажби на Мерцедес-Бенз (Mercedes-Benz). Имено за првите три месеци во 2010 Мерцедес објавија 248 500 продажби на нови возила, додека од Ауди објавија бројка од 264 100 возила, што изнесува 25.9% зголемување на продажбите во однос на истиот период минатата година.

Првиот квартал од оваа година 2010, Ауди покрај што го помина бројот на продажби на Мерцедес исто така постави и нов рекорд на компанијата. Од Ауди јавно ги изнесоа нивните цели и планови. Во бројки тоа би било изразено 1.5 милиони продажби на нови автомобили годишно како и освојување на „титулата“ најуспешен производител на луксузни автомобили за 2015 година.
На гобално ниво во категоријата премиум-бренд, во 2009 година Ауди заврши на третото место, позади прво пласираниот БМВ и второпласираниот Мерцедес. Во очекување на БМВ да ги објават своите податоци (најавено е за крајот на овај месец), останува можноста Ауди да остани најпродаваниот бранд во неговиот сегмент на премиум автомобили, но и да не биде така Ауди дефинитивно ќе биде второ рангираниот бренд.

Според анализите на експертите, зголемувањето на продажбите на Ауди делумно се должи и на нивната доминација на кинескиот пазар, каде во првиот квартал Ауди испорачаа 51 449 возила, Мерцедес 24 100, додека БМВ 34 179 нови автомобили.

(1 гласа, просечно: 5.00 од 5)

 Loading ...