Toyota Yaris смачкана од 8 тонски камен
Паркирате на 15 минути, се враќате и го гледате вашиот омилен автомобил смачкан од камен кој тежи 8 тони. Тогаш дефинитивно знаете дека тоа не е вашиот ден. Токму ова и се случило на една госпоѓа во англиското село Хејфилд. Среќа во несреќата, повредени нема.
Возачот на камион кој го транспортирал осум тонскиот камен забележал на ретровизорот дека каменот ќе испадни, но веќе било доцна, пред да може да стори било што каменот паднал на малиот автомобил Тојота Јарис.
Фотографот кој што се нашол во близина на случката, целиот настан го опишува како неверојатен. „За секунда автомобилот беше смачкан како празна кутија цигари, среќа што никој немаше во автомобилот.“






