Volkswagen премиерно го претстави новиот Туарег за сезоната 2011 на 80-то издание на Женевскиот Саем за автомобили. Овој модел од производителот е опишан како технички најиновативниот модел кој Фолксваген воопшто го произвел до денес. Една од основните промени кај новиот Туарег е тоа што масата е намалена за 208 колиграми, но автомобилот како целина е уште поцврст и посигурен. Сите модели ќе бидат опремени со 8-степенска автоматика која работи глатко и помага во намалувањето на потрошувачката на гориво и издувните гасови.

Друга стандардна карактеристика е 4Motion All-Wheel-Drive системот, односно погонот на сите 4 тркала со Торсен диференцијал, кој му овозможува на Туарег да се искачува на успон од 31 степен.

Моторите кои се понудени се следните:

• V6 TDI развива 240 коњски сили и 550Nm обртен момент. Просечната потрошувачка е 1,9 литри помалку од претходниот модел и изнесува 7,4 л/100км а количината на штетни издувни гасови изнесува 195г/км
• 4.2 V8 TDI го заменува досегашниот V10 TDI. Развива 340кс и 800Nm и успева да потроши само 9,1л/100км, што за мотор со вакви димензии и сила е одлично. Овој мотор ќе биде достапен само во Европа и Азија.
• За прв пат е представен Хибриден Туарег кој е придвижуван од V6 TSI турбо-бензински мотор кој е способен да развие моќност од 333кс и 580Nm. Кога работат и двата мотори заедно моќноста расте на 380кс.

Во стандардна опрема покрај другото е вклучено и далечинско отворање на товарниот простор, (Side Assist Warning System) – систем за предупредување при промена на лента и Adaptive Cruise Control.

Во целина новиот Туарег на прв поглед губи делумно од својата груба сурова сила, но за тоа надокнадува со доза на спортска елеганција и урбан стил. Значи пред нас е уште еден SUV модел кој покрај одличните перформанси во град и на автопат, има и завидни својства за излет на нерамен терен, секако со соодветни теренски гуми.
Внатрешноста е футуристичка и не можe, а да не споменe дека потсетува на кокпитот на луксузен приватен авион, особено моделите со највисоко ниво на опрема.

Уживајте во сликите и замислете го Туарег како ваш нов лимен љубимец.

(2 гласа, просечно: 5.00 од 5)

 Loading ...